Dobur (দবোৰ) Lokké Taunam

 




Taunam:- Okkon Doburdé? Doburé nérkíkpé ludanmilo éddíko du:n? Doburlo mélígnam attar ékkém atkantoka. Adlad:- Dobur gompirsé okolokké kapé lennésong édém silopé níggabla lula:ma:da. Akon akoné lukampé Mising agomlok "do"-dé donam, "bur"-dé amo: burnam manggom burmígnam. Sok sígyémílo uyu-utpong ila mo:pí:sém burnam agerdém Dobur émdo.

Dobur nérkíkpé ba:pi:ko kadung édébulu-(a) Mo:pun Dobur, (b) Ko:son Dobur,(c) Burté Dobúr odokké (d) Raban Ko:son Dobur.

Doburlo mélígnam attarkídí:dok - Dobur uyulo yakané e:g adorko lagiru:dag. Porog atíémsin lagidag. Yalí:né pérokko, puktag-pugre:né pérokko, lí:né porokko lagidag. Taunam:- Édílo doburém dodon? Doburlo mélígnam e:g

porokkídí:dé oko léga:pé lagidan atkantoka?

Adlad: Ludan-yémílo takamé ludo piyyang, ajéng kayémílo pu:po-jarponam ésang anpola du:nam légangé doburém burdo émna kinna:dung. Émdogom bangkí bangkí kosaglok doburém kapila édílo modoji odogbuluk do:yingé kadung. Doburém kapila dodoji kéígbé angu angupé atkantung. 

Mo:pun Dobur: "mo"-dé Among, "pun"-dé appun, among appun. Mo:pun doburém aríglok a:m atíé aikanma:mílo ido. Bí a:m aríg aimoné doburko. Burté Dobur:

Ngoluk Ka:yir

Ajéng manggom se:kai o:kaiko momur-imursuyémílo Burté doburém dodo émna ludo.

Raban Ko:son:

Sé dobursémsin tani:ké ainam léga:pé modo. Okum érang takamé ainam léga:pé pu:po-jarponam légangé Raban Ko:son Doburém dodo émna ludo.

Ko:son Dobur:

Ko:son Dobursém ki:rug rugné manggom apta gínékídíngepak ido émna ludo. Yumra:lo apta gikapé gídodo bangkí bangkí uyu-utpongém ríksudo. Édé uyu-utpongkídí:dok mé:líkkampé appénam simím-sike:ém pa:do. Apta gínékídí:dok ménggésunam uyukídíngém suttomla:pak sé Ko:son dobursém ido émna ludo. Bím porogongkokki ido, édílai okum érang ainam léga:pésin lékoném Ko:son doburém ido émna kina:dung. Doburlo mélígnam e:g-porokkídí:dém kapila lagidoji kéígbé atkantung-Doburlo yakané ameyo:né e:kko mélígdo. Bím ajé: léga:pé mélígdo émna kinna:dung, odokké ísíng néríng odokké a:m-apin bím togé:la du:né léga:pé a:mé mo:sanma:dopé émna bulum ni:nape yalí:né(kamponé) porokko mélígdo, takar bugné bulug léga:pé puktag-pugre:né porokko mélígdo, odokké aki: dígdanna a:m arígém kanggabla du:nam légangé líné porokko mílígdo émna kinna:dung.

Taunam:- Ko:son doburdé okkon? Bím édíkopé sígdon?


Post a Comment

Previous Post Next Post

Ads

Photo Ads